Davao city – Human sa malampuson nga kampanya kontra kriminalidad gumikan sa Oplan Kalinaw program nga gilusad sa Davao City Police Office (DCPO) diin asa grabe ang pag-ubos sa crime rate karong panahona, planong palapdan kini sa bag-ong hepe sa kapulisan dinhi sa rehiyon.
Kini ang gilaraw ni Police Regional Office (PRO) 11 Regional Director Police Chief Superintendent Marcelo Morales aron magkunhod usab ang mga nagapanghitabong krimen.
Kini human nanindotan si Morales sa konsepto sa Oplan Kalinaw program ug nakita nga epekto kini nga pamaagi sa pagpakunhod sa krimen sa usa ka lugar sama sa dakbayan sa Dabaw human natala ang crime rate ning baguhay lang.
Tan-aw pa sa Director nga usa ka komprehensibo nga lakang ang Oplan Kalinaw diha sa pag-alkontra sa kriminalidad ug terorismo ug pagpalig-on sa seguridad diin pinaagi niini paspas ang pagsikop sa mga wanted ug pugante nga gatago gikan sa mga otoridad.
Gawas sab niini, natangayan sab sa opisyal ang Oplan Kallinaw tungod dali ra mailhan ang pagkatawo ug background sa mga nanimuyo sa barangay nga walay record pinaagi sa profiling.
Buot sab ni Morales nga mas mapakusgan pa ang giyera kontra droga sa tibuok rehiyon onse.
RadyoMaN Joel Viray
