Oplan Katok hingusgan sa kapolisan

11

Bisitahon ug manuktok ang kapolisan sa dakbayan sa Sugbu sa mga nanag-iya ug armas nga ni-expire na ang mga lisensiya , subay sa pagpatuman sa Oplan Katok sa PNP .

Ang hepe sa Cebu City Police Office , Sr. Supt. Joel Doria nipasabot nga hangyoon nila ang mga residente nga adunay armas apan napaso na ang lisensiya sa pagsurender niini ug temporaryo una nga makustodiya sa kapolisan samtang gihikay pa ang ilang mga dokumento.

Kabahin gihapon kini sa pagpatuman ug hugot nga seguridad subay sa eleksiyon sa sunod buwan .

Gipasalig ni Doria nga way kaso nga atubangon kadtong nanag-iya ug armas nga na-expire na ang ilang lisensiya kung isurender kini ngadto sa kapolisan.

Kadtong mga armas nga paltik ug wa gyuy lisensiya , sakmiton sa kapolisan ubos sa gitawag ug “Oplan Bakal.”

Facebook Comments