Davao City – 44 ka mga driver sa motorsiklo ang naisyuhan og Temporary Operating Permits ug Citation Tickets atol sa gilusad nga Oplan Lambat Bitag Sasakyan sa kapolisan sa San Pedro, Traffic Group, CTTMO, DCPO ug uban pang mga law enfocer diin gisugdan kini alas 3:00 sa kahaponon sa upat ka kadalanan ning dakbayan sa Davao.
Sa datus gikan sa San Pedro PNP, 24 ka motorsiklo ang naisyuhan og Temporary Operating Permit diin unom ka motorsiklo gikan sa Barayco Bankerohan, lima sa Bacaca Road, 13 sa San Rafael road samtang 20 ka mga motorsiklo ang naisyuhan og citation tickets sa Bucana Road ug Trading Boulevard.
Sa maong oeprasyon upat ka motorsiklo usab ang na-impound sa San Pedro Police Station.
Nahuman ang Oplan Lambat Bitag Sasakyan pasado alas 5:00 ang takna sa kahaponon.
RadyoMaN Don Pulayao
