Davao City – Nagmalampuson ang gihimong random drug testing sa mga drivers sa van ug bus sa pagpanguna sa Land Transportation Office (LTO) isip kabahin sa Oplan Ligtas Biyahe sa taliabot nga Semana Santa.
Sa pakighinabi sa DXDC RMN Davao kang Atty. Gomer Dy, Regional Director sa LTO-XI, gibutyag niini nga nagmalampuson ang maong aktibidad pinaagi sa pakig-alayon sa Philippine Drug Enforcement Agency (PDEA).
“Successful man with the coordination with PDEA, successful ang atong drug testing.” segun niini.
Gibutyag ni Dy nga sunod usab nga ilang himuon mao ang pag-inspection sa mga sakyanang de pasaheroan ingon man pribadong sakyanan aron masigurong luwas ang mga biyahe panahon sa Holy Week.
“We will inspect units from the terminal nga sa dili pa sila makahawa sa terminal atong i-inspect kung ‘road worthy’ ang bus o van sa pagbiyahe.” saysay niini.
Nanawagan usab ang LTO Regional Director sa mga pasahero nga sigurohong adunay prangkisa ang sakyan, adunay saktong lisensya ang driver ug konduktor aron masigurong adunay makuhang insurance panahon sa dili matagna nga panghitabo.
RadyoMaN Kirby Manzon
