Davao City- Subay sa selebrasyon sa National Childrens’ Month adunay ipahigayon nga summit ang Davao City Police Office ug diri usab i-launch ang programang gitawag nga ‘Oplan Sagop Kabataan’ karong Nobyembre 22 sa Davao City Recreation Gym.
Atol sa AFP PNP Press Corps, giingon ni DCPO spokesperson Police Senior Inspector Ma. Teresita Gaspan ang maong programa tambongan sa kapin 500 ka mga stakeholders sa syudad apil na niini ang mga children and women advocates.
Aminado si Gaspan nga taas ang ihap sa mga gender related crime sa syudad particular niini ang kaso nga rape diin sagad sa mga biktima mga myembro lang sa pamilya.
Gawas niini gibutyag usab ni Gaspan nga nagkadaghan na sab ang kaso sa mga riot dinhi sa dakbayan diin sagad malambigit niini mga minors o bin ba kaha mga CICL kon Children In Conflict with the Law.
Subay niini gipaniguro sa tigpamaba sa DCPO nga ila nang gipalapdan ang adbokasiya batok niini nga mga krimen pinaagi sa ilang mga programa nga sama na lang sa Pulong-Pulong sa Barangay, Oplan Iron Fortress ug uban pa diin nagpadayon ang ilang pag edukar ngadto sa mga ginikanan sa matag barangay dinhi sa syudad.
RadyoMan Abi Bibera
