Oplan SUMVAC 2017 sang PRO-6, plantsado na

174
ILOILO – Plantsado na ang Oplan SUMVAC 2017 ukon Oplan Summer Vacation sang Police Regional Office 6.

                Ginpahayag ni Supt. Gilbert Gorero, Spokesman sang PRO-6 nga tuigan na nga ginahimo sang PNP ang Oplan Summer Vacation kon sa diin naga-deploy ang mga pulis sa mga lugar nga madamo sang mga tawo nga nagabiyahe kag nagaliwa-liwa.

                Suno kay Gorero nga ginmandu na ni PRO-6 Director Chief Supt. Jose Gentiles sa mga Chief of Police kag Provincial Directors nga siguruhon ang pagdeploy sang mga pulis sa mga lugar nga masami ginakadtuan sang mga pumuluyo sa tion sang bakasyon.

                Dugang  pa sini nga bangud nagahilapit naman ang semana santa, magabantay man ang mga kapulisan sa mga simbahan para sa seguridad sang mga pumuluyo.

                Naga-coordinate man ang PNP sa natungdan nga mga ahensya sang gobyerno kasubong sang LTO kag LTFRB para sa luwas nga pagbiyahe sang mga salakyan.






Facebook Comments