Panibag-o nga 65 ka mga pamilya ang nagbaton sang ayuda gikan sa Oplan Tabang team sang DYHB RMN-Bacolod, iFM 94.3 Bacolod kag RMN Foundation sa sa ciudad sang Silay nga isa man sa mga naapektuhan sang pagbinaha sa una nga semana sang 2021.
Aga pa nga nagtipon sa plaza sang Silay ang mga recepients gikan sa Brgy. Rizal kag Mambulac sa diin sila nagbaton sang lima ka kilo sang bugas, canned goods kag used clothings. Dako naman ang pagpasalamat sang person with disability (PWD) nga si Rolando Palabrica sa pinutos nga iya nabaton nga bisan diutay lang makapiyan-piyan na sa ila.
Samtang si Mayor Mark Golez, dako naman ang pagpasalamat sa DYHB RMN-Bacolod, iFM 94.3 Bacolod kag RMN Foundation sa inisyatibo sini nga nagadumdom sa iya mga constituents.
[image: image.png]
