Oplan Tambay campaign sa kapulisan epektibo

Davao City – Epektibo gipatuman sa Police Regional Office Davao Region ang kampanya sa Oplan Tambay sa kapulisan sa tibuok rehiyon onse partikular sa siyudad sa Dabaw.

Sukad na-implementar ang Oplan Tambay 2018 nakatala na ang PRO 11 og 231 accomplishments sa dakbayan sa Dabaw.

Nakatabang ang gipakusgan nga pagpatuman sa mga balaod ug mga ordinansa sa pagsumpo sa krimen sa kadalanan ug paghipos sa mga batan-on nga gatambay diyes oras sa kagabhion.


Sa unang adlaw sa operasyon, 84 ka tawo ang nadakpan kansang nakasupak sa Akta Republika 4136 kun Land Transportation and Traffic Code atol sa checkpoint kung asa unom ka motor ang na-impound.

Anaa sab sa 44 ka menor-de-edad ang naluwas kung asa 14 niini wala nagsul-ob og sinina o dili ba kaha nakahukas ug 46 ka tawo nanigarilyo sa pampublikong lugar ang gidakop sa kapulisan.

Gipasabot ni PRO 11 Director Police Chief Superintendent Marcelo Morales nga ang mga nadakpan dili lang kay gipangsikop gumikan sa pagtambay apan tungod sa mga ordinansa nga ilang nalapas.

Nanganti si Morales nga mas palapdan pa sa kapulisan ang pagpanakop sa mga gahi og ulo ug labaw nang kun makayatak sa gikatakda sa mga balaod ug mga ordinansa subay Oplan Tambay Campaign.

RadyoMaN Joel Viray

Facebook Comments