Ginlunsar kaina sang Department of Health regional office 6 ang Oplan: Iwas paputok angut sa pagsaulog sang Paskuwa kag Bag-ong tuig.
Ginhiwat ang launching ceremony sa The Centennial Resort Hotel sa Distrito sang Jaro upod man sa iban nga ahensya sang gobyerno kasubong sang Bureau of Fire Protection, Philippine National Police, kag subong man ang mga Disaster RIsk Reduction and management offices sa mga probinsya kag kabanwahanan sa rehiyon.
May ginpatigayon nga Caravan sa palibot sang siyudad bilang kicck-off ceremony sang nasambit nga programa.
Katuyuan sini nga maengganyo ang mga pumuluyo nga maglikaw sa paggamit sang mga palupok sa pagselebrar sang paskuwa kag bag-ong tuig kag sa baylo maggamit na lamang sang torotot.
Ginaduso man sang ahensya ang paghiwat sang fire works display sa tagsa ka LGU bilang tingub nga pagselebrar sang bug-os nga komunidad sang paskuwa kag pagsug-alaw sang bag-ong tuig.
