Subay sa pagsaulog sa National Teachers’ Month niining bulan sa Septembre, usa sa mga aktibidad nga gihimo sa DepEd Dipolog City Division mao ang orchid planting nga gihimo sa Cogon Eco Park sa Barangay Cogon sa dakbayan.
Matud pa ni City Schools Division Supt. Dr. Liza Tabilon, 13 ka klase sa mga orchids ang ilang natanum sa Cogon Eco Park.
Niya pa, ang maong aktibidad dili lamang usa ka paagi aron pag-selebrar sa Teachers’ Month kon dili ang maong kalihukan makatabang usab sa pag-promote ug pagpadas-og sa torismo sa dakbayan.
Kalabot niini, iyang gi-awhag ang mga magtutudlo ug ang mga katawhan sa syudad nga magtanom pa ug dugang orchids tungod kay ang Dipolog nailhan usab isip “Orchid City” ug niini niya pa angayan lamang nga kini ipakita.
Ang maong aktibidad gisalmutan sa mga magtutudlo sa Dipolog City Division ug ang pagsaulog magpadayon hangtud Oktubre 5 ning kasamtangang tuig diin daghan pang kalihukan ang ipahigayon subay sa maong kasaulogan. ( M.L )
