Pagadian City – Pasado na sa ikatulo ug katapusang pagbasa sa Sangguniang Panlungsod ang gi-umol nga ordinansa nga mobakwi sa implementasyon sa curfew dinhi sa syudad sa Pagadian.
Gituki kagahapon sa mga konsihal sa syudad atol sa ika-91 nga regular session ang ordinansa numero 063 nga gipangamahanan City Councilor Ricardo Alajenio ang chairman sa komitiba sa peace and order.
Buot sa konsihal nga bakwion ang kasamtangan ordinansa nga kusganong gipatuman sa kapulisan ang City Ordinance No. 2017-378″ An ordinance Implementing a Curfew within the Territorial Jurisdiction of the City of Pagadian and Providing Penalties for Violation Thereof”.
Natakda nga isang-at sa hawanan sa Sangguniang Panlalawigan ang nahisgutan nga sugyot ordinance og kun mopasar mamahimo na kining ipatuman sa tibook dakbayan.
Nitambong usab sa session ang pipila ka mga negosyante og miuyon sa maong sugyot ilabina na ang mg nanag-iya og establisyemento nga abli panahon sa kagabihion.
