Ordinansa sa pagbawal sa minors sa lodge ug inns sa Tagum giduso

Davao City – Suportado sa Tagum City Philippine National Police (PNP) ang giduso nga ordinasa pagbawal sa mga menor de edad pagsulod sa mga Lodging House, Inn, Motel ug Hotel sa dakbayan o ang “Ordinance Regulating the Admission of Minor in Lodging Houses, Inns and other similar establishments”.

Sa interbyu sa DXDC RMN Davao kang Police Lieutenant Colonel Jay Dema-ala, Acting Chief of Police (COP) sa Tagum City Police Station, gisaysay niini nga adunay mga natalang insidente sa rape sa dakbayan nga gikalambigitan sa mga menor de edad.

Ilawom sa ordinansa ng giduso ni City Councilor Ester Angoy mamahimo lamang nga tugotan ang minor nga makasulod sa inn o susamang establisemento kung kuyog niini ang iyahang ginikanan o guardian.

Nanghinaut ang police official nga pinaagi sa maong city ordinance, mapaubos ang mga kaso sa lugos ug uban pang sexual abuse lakip na ang teenage pregnancy.

“Yung minor na may kasama lang isang lalaki and wala silang mapakita na ebidensya na sila magka-relatives or talagang parent ‘nung minor, ‘yon ang ipinagbabawal natin,” sulti ni Dema-ala.

Ang malapason nga hotel o establisemento sa maong balaod mamahimong makamulta og P3,000 ngadto sa P5,000 ug pag-revoke sa business permit.

RadyoMaN Kirby Manzon