Davao City – Wala makalusot sa 19th City Council ang gipaaprubang ordinansa sa Barangay Talomo River, Calinan District sa pagsilot sa mga tsismoso ug tsismosa.
Gibatbat ni Committee on Rules, Privileges, Laws and Ordinances chair Councilor J. Melchor Quitain atol sa interbyu sa RMN Davao mosumpaki kini sa existing nga Katarungang Pambarangay Law.
“Kung ang imong ordinance mu-penalized ka sa barangay mu-run contrary o musupak na sa Katarungang Pambarangay Law kay imbes nga muhusay ka, ikaw namay musentensya ron, ang makasentensya ra man gyod ang huwes,” matud ni Quitain.
Tambag ni Quitain, kung dili maresolba sa Barangay ang away tungod sa tsismis sa manag-silingan, diha na mupasang-at og kaso sa korte tungod kay usa kini ka criminal case.
RadyoMaN Aimee Guinita
