Davao City – Adunay nahitabong disenfranchisement kun pag deprive sa right to vote sa Cateel, Davao Oriental atol sa Barangay ug Sangguniang Kabataan Elections (BSKE).
Kini mao ang gibutyag ni Ret. Supt. Ramon Sawan, church leader sa Cateel, Davao Oriental nga anaa sa kapin 600 ka mga botante ang wala ka boto sa Brgy. Taytayan diin matud pa gipasakay ang mga indibidwal sa managlahing sakyanan – 4 ka bus, 1 ka ten-wheeler truck ug duha ka van, ingon man wala na gipabalik aron mubotar.
Gani kagahapong adlawa nakigpulong si Sawan ngadto sa Department of Interior and Local Government (DILG) apan mihatag lamang kini og suhestiyon nga i-build una ang kaso.
Isip concerned citizen, gipasabot sa maong retiradong police nga nangahadlok mupatim-aw ang maong mga biktima gumikan posibleng anaa sa posisyon ug dakong ranggo ang gituohang nagpaluyo niini.
Nagtoo si Sawan nga motibo sa maong binuhatan ang vote buying subay usab sa duha ka mga konektado sa politiko sa maong lugar ang gipamusil pipila ka adlaw mahuman ang synchronized local elections.
Subay niini, gibutyag ni Police Regional Office 11 (PRO-XI) P/Chief Inspector Milgrace Driz nga gipalawman na nila ang imbestigasyon bahin niining panghitabo.
Sumala niini nga nakig-koordinar na sila sa Regional Crime Laboratory Office para sa imbestigasyon diin magpagula sila og facial composite human makit-an sa usa sa mga biktima ang suspek sa maong insidente.
RadyoMaN Jason Amisola
