Orientation para sa mga ginikanan bahin sa pagkuha ug module nagpadayon

30

General Santos City–Nagapadayon ang ginahimong orientation sa matag eskwelahan ngadto sa mga ginikanan para sa pagkuha sa mga modules sa mga tunghaan.

Sumala ni DEPED Gensan School Division Superintendent Romilito Flores, ang pagpahibalo sa schedule sa orientation gihimo pinaagi sa radyo sama sa DXMD-RMN Gensan ug IFM Gensan diin adunay oras nga gigahin ang matag estasyon kansa madunggan ang mga instruction ug regulasyon unsaon pagkuha sa Module ngadto sa matag tunghaan.


Gani gikalipay ni SDS Flores ang positibong response sa mga ginikanan diin ila gyud gina-atangan ang mga announcement nga gikan sa tunghaan sa ilang kabataan.

Gikumpirma usab ni SDS Flores nga nagsugod na sa kasamtangan ang distribusyon sa mga Modules. Ilaha na kining gisugdan ug sayo aron nga kung may mga problemang motumaw gilayon nilang mahatagan ug aksyon. Samtang aminado si SDS Flores nga wala pa nakaabot ug 50 posyento ang ilang pag-panghatag ug modules ngadto sa mga kabataan.

Facebook Comments