Ormoc City Mayor Gomez, andam atubangon an kaso nga igpapasaka kontra ha iya han NHA

953

TACLOBAN CITY – Ginbakbakan ni Ormoc City Mayor Richard Gomez an mga opisyal han National Housing Authority (NHA) tungod han gin-aaligar substandard nga materyales nga gingamit ha 16 nga housing units ha ressetlement site han Brgy. Gaas ha nasabi nga syudad.

Mismo hi Mayor Gomez an kumita ha iya pag-inspeksyon ha resettlement site nga mga substandard an gingamit nga materyales han mga contractors sugad han hollow blocks.

Nag-viral pa ha social media an video nga ginkakaisgan han alkalde an tinaglawas han NHA.

Andam daw hi Mayor Gomez nga atubangon ha korte an defamation nga kaso nga plano igpasaka han NHA.

Ha press briefing, sumala kan NHA Chief Of Staff John Christopher Mahamud, ginpoprotektaran nira an reputasyon han ira ahensya ngan diri daw hira matugot nga kurukaisgan an ira empleyado han waray basehan.
Sumala naman kan Mayor Gomez, may katungod an Ormoc City Government nga inspeksyunon ini nga pabalay kay tuna han Ormoc an gInagamit ngan labi na nga mga residente han syudad an maukoy.

Facebook Comments