“Ormoc is still the wealthiest city in Region 8 with total asset of P7.4 billion,” ine an siring ni Ormoc City Mayor Lucy Torres-Gomez ha iya ika-duha nga State of the City Address (SOCA).
Sumala ha alkalde, an mahinungdanun nga pagpabilin han Ormoc City kumo pinaka riko nga syudad ha rehiyon in mahitungod han legasiya ni anay Mayor ngan yana Congressman Richard Gomez.
“Our success today would not have been so, without the efficient, well-managed LGU that I took over from Mayor Richard. Indeed, it is easier to reach for the skies when standing on someone’s strong shoulders. His task was not easy, building from almost ground zero, but he fought bravely and was rewarded handsomely.”
Dugang pa han alkalde, dako gihapon an kontribusyon ni Cong. Gomez ha pagdukwag han Ormoc tungod han paghatag hin ginkikinahanglan nga pondo, ilabi na para ha mga proyekto ha imprastraktura.
“Namaintain ng Ormoc dahil tuloy-tuloy yung paggawa ng mga infrastructure programs at dun sinusukat ang assets ng isang lugar by the number of infrastructure programs that we have, pati na ang kalsada,” siring ni Cong. Gomez.
Samtang, ha gindumara nga SOCA kakulop ni Mayor Gomez, ginsiring niya nga an Human Development and Prosperity an pinaka una nga aspeto han pagpaupay han ira syudad.
Dara hine an paghimo ha Ormoc kumo usa ha mga Blue Zone Cities.
“These conditions follow the availability of world class, relevant education and training, good health by practicing active lifestyles and making available both holistic and modern treatments for diseases,” sumat han alkalde.
Lakip gihapon dinhi dugang pa han alkalde an pagtalinguha han ‘peace and security’ kun diin ine in nagpapakita han 15% nga pag-ubos han crime rate tikang dida han tuig 2021 tubtub ha Setyembre 2023, sugad man an ‘‘adequate and relevant public services’ nga maghahatag hin sadang, disaster-resilient, physical infrastructure, barato nga pabalay, economic centers, ngan paghatag hin basic services sugad han kuryente, tubig, ngan,telecommunications.
