TACLOBAN CITY – Ha 2017 Annual Financial Report for the Local Government han Commission On Audit (COA), nagawas nga pinakamayaman an Ormoc City ha ngatanan syudad ha Sinirangan Bisayas.
Mayada total net worth an Ormoc nga P5.9 Billion.
Ika-duha naman an Tacloban City, nga ansya iton Regional Center han Eastern Visayas, nga may total net worth nga P3 Billion.
Sumunod naman an syudad han Calbayog City, Samar (2.51 Billion) Baybay City, Leyte (2.01 Billion), Maasin City, Southern Leyte (1.85 Billion) Borongan City, Eastern Samar (P1.21 Billion) ngan Catbalogan City, Samar (1.06 Billion).
Mas dumamo an mga investments ha termino ni Ormoc City Mayor Richard Gomez, dumamo gihap an oportunidad para ha mga ormocanon nga magkamayada hin trabaho.
Durante han State Of The City Address ni Gomez, iya iginparayaw an trade and investments han syudad nga mas nagin maupay pa, ilabi na nga gindeklara han Philippine National Police (PNP) an Ormoc nga Safest City ha Pilipinas.
Dugang ha pamahayag han alkalde, damo pa an mag-iinvest ha Ormoc ilabi na nga ginpapahusay nira an turismo han syudad.
(Photo by Marlon Garrido)
