Pormal nang gipahibaw ni kanhi Cebu City Mayor Mike Rama ang iyang desisyon nga molansar isip Vice-Mayor sa dakbayan sa Sugbo sa sunod tuig nga eleksyon ug si Vice Mayor Edgardo Labella ang mamahimong kandidato pagka mayor.*
Matud ni Rama nga pabor siya nga si Labella maoy mangu’ sa grupong United Barug Team Rama.
Si Labella mao usab ang pangulo sa PDP Laban sa Cebu City.
Samtang bisan pa og gikasupresa sa mga kaalyado ni Rama sa partido ang iyang pahibaw, nagtuo sila si Konsehal Joel Garganera ug Raymond Garcia nga lig-on ang tandem nila ni Rama ug Labella sa May 2019 elections.
Matud ni Garcia nga si Labella isip standard bearer sa United Barug Team Rama wala mag-atubang og mga kontrobersiya ug mga isyu.
Sa pikas bahin daan nang gipahibaw ni Mayor Tomas Osmena nga wala siya mahadlok kong si Labella ang iyang ika- atbang pagka mayor sa 2019, taliwa sa iyang bangi sa SM ug Ayala.
