Despues el mas reciente incidente de explosion na Muti donde ya resulta na muerte del un pescador que ta usa denamita na pesca, el otoridad mas ya hace apretao el campaña contra blast fishing na mar del ciudad.
El maga pulis junto con el Bantay Dagat y otro agencia del govierno mas ya inetsifica el viciada na mar donde ta esta bajo na diila areas of responsibility para hace lagas contra con estos maga blast fishermen o maga pescador quien ta usa denamita para tene monton cujida del maga pescao.
El maga pulis desde el onse maga estacion del pulicia tiene tambien el diila maga personajes quien ta conduci el seaborne patrol masquin cosa hora del dia para puede man monitor con el maga actividad del maga pescador.
Este asunto ya bene despues el muetrte del un 19-año pescador nombrao como si Otoh Angkas y Totoh, de Muti quien ya muri amediante ta pesca na mar del mencionao barangay y derepente ya lang ya rebenta el denamita mientras ta agara pa le con este.
