Otro ya tambien miembro del Abu Sayyaf Group el ya sale arestao durante el un police operation ya conduci na centro mismo del pueblo del Lunes antede sumi el sol.
El portavos del mando policia regional si Chief Insp. Helen Galvez ya nombra con el arestao ASG como si Abdulhan Ataram quien tiene monton de aliases.
Conele ya aresta na Plaza Pershing banda alas 6 del noche.
Si Ataram embuelto tambien na Golden Harvest Plantation kidnapping na Tairan, Lantawan, Basilan del Junio 11, 2001.
Fuera con este, tiene tambien warrant of arrest si Ataram na caso de murder, multiple frustrated murder y multiple attempted murder.
Si Ataram un antes miembro del SOG del Abu Sayyaf Group bajo na liderato di Isnilon Hapilon.
Embuelto tambien le na bombardiada na Quezon Boulevard na Kidapawan City del Octubre 5, 2007.
