Esperansao ay entrega na corte para comete na City Jail con el un miembro del Abu Sayyaf conquien ya aresta el maga otoridad del Martes na Sta. Barbara.
Como proceso del lei, ay tene que saca el commitment order desde na corte antes de detener na City Jail con tal persona quien ta enfrenta caso na corte egual con Langa Jamil Francisco de Tetuan.
Con Francisco ya aresta el maga pulis del RMFB y RIU pormedio del warrant of arrest na caso de kidnapping with serious illegal detention.
El warrant ya men issue si Judge Leo Jay Principe del Regional Trial Court na Basilan. El corte nohay dale fiansa para el temporaryo libertad del acusao considerando pesao el caso que ta enfrenta le na corte.
Facebook Comments
