*Ta queda ya tambien rampante el maga incidente de tiroteo aqui na ciudad donde el mas reciente amo el matansa del un 18-año de edad solterito na Mercedes.*
*Banda alas 10 del noche cuando el uno del dos persona muntao na motorsiclo ya sopla de tiro con William Toribio y Wee, soltero y residente de Calle Real, Zone 3, Mercedes.*
*Asegun con el pulis si Toribio talya aquel hora na Jhing’s Eatery na Calle Real Street entrada para na lAs Merceds Street cuando el dos persona muntao na XRM motorsiclo ya aparese y el ancas ya sopla de tiro conele.*
*Con Toribio ya tupa un tiro na esquierda hombro pero ya puede pa este corre y ya tumba cuantos metro distancia.*
*El maga suspechao ya entabla para na highway del MCLL mientras con el victima ya lleva na hospital pero ya declara coneste dead on arrival el maga doctor.*
*Maga pulis ya recobri dos capsula de calibre 45 pistola na lugar del incidente.*
