Gikatakda karong ala-1:30 sa kahaponon ang opisyal nga pag-anunsyo ni Presidential Spokesperson Harry Roque kun si kinsa kining taas nga presidential appointee nga taktakon ni Pres. Rodrigo Duterte gumikan sa mga salaud sa pagdumala sa iyang buhatan.
Subay sa ‘War on Corruption’ sa Duterte administration, ang latest nga pangalan nga anaa sa hot seat pagpatuman lamang sa panganti sa rehimen nga sipaon ang tanang mga kwestionableng opisyales sa gobyerno gamit ang standard nga ‘whiff of corruption.’
Karon usang adlawa, gi-atngan sa publiko ang mamahimong resulta sa resumption sa imbestigasyon sa inter-agency presidential task force nga gimugna aron sutaon unsa ba gayud ang misteryong naglimin sa dakung sunog nga nilamoy sa NCCC Mall niadtong December 23, 2017 nga nikalas sa kinabuhi sa 38 ka mga biktima.
Ang task force gikatakdang mahidangat dinhi sa syudad sa Davao karong adlawa alang sa nagpadayong imbestigasyon.
RadyoMaN June Duterte
