Davao City – Gipahibalo sa Davao City International Airport nga ang Davao bound passengers lang ang kinahanglang musumite og COVID-19 Reverse Transcription Polymerase Chain Reaction (RT-PCR) negative test sulod sa 72 oras.
Sa interbyu sa RMN Davao kang Rex Obcena, CAAP Davao Airport Manager, ang mga mugawas og Davao kinahanglang i-comply ang mga requirements sa Inter-Agency Task Force for the Management of Emerging Infectious Diseases (IATF-EID) sama sa medical certificate ug travel authority.
“Ang atong requirement lang sa RT PCR negative test result is for all Davao bound passengers, sa ato pa arrivals lang dinhi. Davao City pa lang ang naga-require og RT PCR sa mga arrivals. Requirement sa IATF travel authority ug medical certificate (sa outbound passengers),” sumala ni Obcena.
Gibutyag ni Obcena nga limitado pa lang sa essential travel ang flights ug adunay 6 times a week nga byahe gikan Davao Airport vice versa sa Manila, Cebu ug Clark.
RadyoMaN Aimee Guinita
