Atol sa iyang pamahayag sa subling pagbalik sa flag raising ceremony nahitabo ganihang alas-7:00 sa buntag sa City Hall grounds, gikanayon niini nga kini mao ang ulahing pag-atubang kanila isip Mayor sa Davao apan mubalik isip Bise Presidente sa Pilipinas.
“I now formally bid you all goodbye to the City Government of Davao… Living in Davao City has been a learning, humbling and eye-opening experience… One with many sleepless nights as well as days filled with tears of both grief and joy. It is an experience that I am glad to have shared with all of you. It has been an honor and privilege to serve as your City Mayor. It has been an honor serving Davao City beside all of you…,” saysay ni Mayor Sara.
Gani, personal si Mayor Inday nga nagpadangat og pasalamat ngadto sa mga empleyado sa gobyerno sa Davao alang sa suporta sa desisyon niining pagdagan isip Bise-Presidente ingon man kaniadto pang 2010 kung kanus-a siya pinakaunang milingkod isip Mayor.
Sumala ni Mayor Sara nga dili lalim nga biyaan ang syudad apan kumpyansa kin isa mosunod nga mga molingkod nga opisyal nga ipadayon ang iyang mga nasugdan nga programa sama sa Byaheng DU30.
Mihangyo sab kini sa maong mga empleyado nga ihatag ang ilang suporta nga sama sa suportang nadawat niini atol sa iyang administrasyon.
RadyoMaN Jason Amisola
