Davao City – Natuman ni outgoing Task Force Davao Commander Col. Nolasco Mempin ang iyahang saad sa Davao nga walay matala nga bombing incident o terror incident ubos sa iyahang pagdumala.
Atol sa interbyu sa RMN Davao kang Mempin nga dako ang iyahang pasalamat sa mga Davaoeños kay kung wala usab ang suporta sa publiko dili mahimong posible ang gitinguha sa mga security forces nga luwas ug hapsay nga lungsod.
Gibutyag ni Mempin nga karong Marso 28 ang tentative nga skedyul sa Change of Command Ceremony.
Nilingkod si Mempin isip ika-13 nga commander sa Task Force Davao niadtong Agosto 30, 2017.
Matud ni Mempin nga nitatak gayod ubos sa iyahang termino ang pagtabang sa Task Force Davao sa rescue ug relief operations ngadto sa kapin 18,000 ka mga pamilyang apektado sa paglampornas ni Typhoon Vinta niadtong Disyembre 2017.
RadyoMaN Aimee Guinita
