Dumingag, Zamboanga del Sur – Gidagsa sa mga lumulupyo sa lungsod sa Dumingag ang usa ka adlaw nga pagproseso sa Student Permit.
Alas 8 sa buntag gisugdan ang Outreach Caravan sa Land Transportation Office (LTO) Region 9 sa Public Market lungsod sa Dumingag.
Nakapahimulos sa maong LTO outreach caravan ang tanang interesadong nagpangidaron og 16 anyos pataas nga wala pay SP (Student Permit) nga makamao na magmaneho og motor ug sakyanan.
Ang matag aplikante adunay gi fill upan nga form isip pamatood sa aplikasyon niini alang sa driver’s license, gipangitaan usab sila ug birth certificate ug parent’s consent samtang ang nagpangidaron ug 18 anyos pataas ang gipangayoan lamang ug Birth/ PSA ug valid id.
Matag usa ka aplikante obligado nga mobayad sa P318 nga Processing fee ug P500 alang sa medical certificate.
Malaumon ang Land Transportation Office Region 9 nga sa ingon niini nga paagi, mas mapasayon ug mapaduol na sa katawhan ang serbisyong tanyag sa ilang buhatan.
(Photo Credit: Igmat Dumingag)
