Sumala kan POPCOM Regional Director Eleanor Pulma, an 2023 Rafael M Salas Kaunlarang Pantao Award Search for Outstanding Barangay Population Volunteer in an paghatag hin pagkilala an waray kabalyo nga serbisyo, dedikasyon, ngan com hi mitment han mga brgy population volunteers ha kumunidad.
“Sila yung silent na nagtatrabaho down the ground and unsung heroes nga dire gud natatagan hin recognition, they are actually there thats why the national office recognizes their significance and importance for their exemplary performance,” siring ni Pulma.
Napili kumo top winner ha City Category an walo (8) na katuig nga barangay population volunteer nga hi Melissa Rapols nga taga Brgy 106 Sto Niño, Tacloban City.
Hi Rapols in nagin volunteer tikang pa han tuig 2014 ngan nagserbi gihapon kumo population volunteer ha panahon han pandemya.
Ha luyo nga waray nakakarawat nga sweldo, hi Melissa in nabulig ha pagkuha hin makalain lain nga mga survey agud makakuha hin datos para ha barangay ngan syudad ngan pagbuhat hin iba pa nga trabahoon nga may kalabutan ha populasyon.
Hi Melissa in magkakaada naman hin higayon nga magpaisan-isan ha national category han pareho nga kompetisyon.
Samtang, 2nd place naman ha City Category hi Amelia Romero han Brgy Linao, Ormoc City, ngan 3rd place hi Emelita Repollo ha pareho gihapon nga barangay.
Ginngaranan naman kumo top winner ha municipal category hi Carolina Llames Lopez han Brgy Baruguhay, Carigara, Leyte.
Hira ngatanan in natagan hin cash prizes.
