Ginpaidalum sa 90 ka adlaw nga preventive suspension sang Office of the President si Overall Deputy Ombudsman Melchor Arthur Carandang angut sa pagpaggwa sini sang mga bank transactions ni Pres. Rodrigo Duterte.
Ginpahayag ni Presidential Spokesman hHarry Roque, base sa ginpaggwa nga ruling sang Office of the Executive Secretary ukon OES nakitaan nila sang basehan ang kaso nga grave misconduct kag grave dishonesty nga ginpasaka sang mga complainants sadtong 2017.
Suno kay Roque ang suspension nagakahulugan nga indi matuod ang ginpaggwa sa publiko nga impormasyon ni Carandang angut sa bank accounts ni Duterte.
Ginsiling pa ni Roque nga pagpatalang ang ginpaggwa sa publiko ni Carandang nga ginpanginwala man sang aAnti-money Laundering Council.
Pulo ka adlaw ang ginhatag kay Carandang agud sabton ang iya ginapangatubang nga kaso.
(photo from web)
