Magapatuman sang overhauling ang syudad sa Transportation Management and Traffic Regulation Office.
Suno kay Mayor Jed Patrick Mabilog manduan niya ang TMTRO nga tan-awon ang roster sang traffic aides.
Kalakip sa mga pagbag-o amo ang pagbutang sang age limit sa mga traffic aides.
Pahayag sang alkalde ang mga sobra na sa 50 anyos ang edad mahimo nga ibutang na lamang sa opisina.
Maga-invest man ang syudad sa uniporme sang traffic aides lakip na ang rain coats sa tion sang tig-ulolan kag manduan ang mga ini nga magsoksok sang husto nga uniporme.
Ipaidalum man sila sa training agud mahanas pa gid ang kinaalam sa mga traffic laws sa syudad kag kun paano i-manage ang lakat sang trapiko.
Ang TMTRO kabahin sang Public Safety Department nga gintukod sang syudad.
