*Gipahibalo karon sa Overseas Filipino Bank Dipolog Branch nga hingpit nang magsirado ang maong banko sugod sa Setyembre 20, adlaw’ng Biyernes. *
*Sa sulat ni Mr. Romulo Andrade, ang Head sa Overseas Filipino Bank Dipolog Branch ngadto ni Governor Roberto Uy pinetshan Setyembre 12, niining tuiga, kini ang mipahibalo sa gobernador nga opisyal na magsirado ang maong banko sa maong petsa.*
*Gipaklaro ni Mr. Andrade nga pinasikad sa aprubadong Business Model of Overseas Filipino Bank, the Digital Only Bank-The First Branchless Philippine Bank, aprubado na sa of Board of Directors kaniadtong Setyembre 12 niining tuiga ang pagsirado ug pag-surrender sa lisensya sa 30 ka Branches/Branch Lite Units (BLUs) dinhi sa nasud, diin sama sa conversion date sa maong branch.*
*Niini, ang maong Branch Manager mipahibalo** usab ni Governor Uy nga gitugutan pa ang mga kliyente sa maong banko nga mohimo ug over the counter transactions sa katapusang adlaw.*
*Samtang ang mohimo usab ang maong banko sa conversion of activities, migration of accounts ug transfer of deposit accounts ngadto sa Landbank, deadline sa pag claim sa bag-ong EMV ATM card ug available digital channels alang na sa transaksyon sa maong banko nga magamit sa mga kliyente gawas sa over the counter transactions. *
*Hinuon, si Mr. Andrade ang nagkanayon usab nga ang mga kawani niini padayong magdumala sa maong banko hangtud sa bulan sa Nobyembre niining tuiga alang na sa pag-release sa ATM EMV cards ug ingon man ang disposisyon sa fixed assets.*
*Alang sa dugang kasayuran, mamahimong mobisita sa OF Bank Dipolog Branch nga anaa nahimutang sa Felicidad II Building, Quezon Avenue, ning dakbayan sa Dipolog. (PIC-mbmontederamos) *
