Owner han usa nga hardware ha Tacloban ginpamumusil, patay

7422

TACLOBAN CITY – Ginpamumusil an tag-iya han usa nga hardware ha atubagan han JJ Mega Holding ha Lower Nula Tula Maharlika road, Brgy. 74, Tacloban City kanina han alas 6:55 han aga, July 14.

Subay ha report han Police Regional Office 8, ginkilala an biktima nga hi Manuel Tan, 55 anyos, tag-iya han ACN hardware.


Nagawas ha inisyal nga imbistigasyon han mga otoridad, umabot an biktima ha iya establisyemento sakay hin sarakyan (toyota rush, color maroon), han gin-aabrihan na han security guard an gate para makasakob an biktima, tigda nala dumaop an tulo (3) nga suspek sakay han motorsiklo ngan ginpamumusil an biktima.

Sumala kan Tacloban PNP station 2 commander P/Capt. Daniel Polo, nadara pa ha Eastern Visayas Regional Medical Center (EVRMC) an biktima pero dead-on-arrival na ini.

Kumalagiw naman an mga suspek.

Padayon an imbistigasyon han mga otoridad hini nga insidente.

Facebook Comments

From Advertisers