OWWA 11 wala pay taga Davao Region nga nangayog tabang sa Israel

Davao City- Giawhag sa Overseas Workers Welfare Administration (OWWA) Region 11 ang mga adunay kabanay nga Overseas Filipino Workers (OFW) nga apektado sa gyera sa Israel nga mudangop sa ilahang buhatan.

Atol sa AFP PNP Presscon gibutyag ni Gina Mae Quimora, OWWA 11 Officer in Charge, nga wala pay niduol nga taga-Davao City para mangayo’g tabang sa pagparepatriate.

Sumala ni Quimora, aduna nay mga gipang-deploy nga mga personahe ang Pilipinas ilawom sa Department of Migrant Workers (DMW), Department of Foreign Affairs (DFA) ug OWWA para mutabang sa mga Pinoy nga maipit sa kasamok.

Base sa datos, adunay 24,000 ka mga OFWs ang anaa sa Israel ug 200 niini ang labing apektado nga anaa karon sa border sa may Gaza.

Giawhag sa OWWA ang publiko kung magkihanglan man og tabang mudangop sa 𝐃𝐌𝐖 𝟐𝟒/𝟕 𝐓𝐀𝐒𝐊 𝐅𝐎𝐑𝐂𝐄 𝐈𝐒𝐑𝐀𝐄𝐋 𝐇𝐄𝐋𝐏 𝐃𝐄𝐒𝐊 bin ba kaha mutawag sa 𝟐𝟒/𝟕 𝐈𝐬𝐫𝐚𝐞𝐥 𝐇𝐞𝐥𝐩 𝐃𝐞𝐬𝐤 𝐇𝐨𝐭𝐥𝐢𝐧𝐞: +𝟔𝟑 𝟐 𝟏𝟑𝟒𝟖 sa 𝐕𝐢𝐛𝐞𝐫 ug 𝐖𝐡𝐚𝐭𝐬𝐀𝐩𝐩: +𝟔𝟑 𝟗𝟎𝟖𝟑𝟐𝟔𝟖𝟑𝟒𝟒, 𝟔𝟑 𝟗𝟐𝟕𝟏𝟒𝟕𝟖𝟏𝟖𝟔, +𝟔𝟑 𝟗𝟐𝟎 𝟓𝟏𝟕𝟏𝟎𝟓𝟗.

RadyoMaN Aimee Guinita