Davao City – Nakaandam na ang Overseas Workers Welfare Administration (OWWA-XI) sa pagtunol og tabang ngadto sa mga Pinoy workers diha sa nagpadayong tensyon karon sa Iran ug Estados Unidos.
Sa interbyu sa DXDC 621 RMN Davao kang OWWA-XI Regional Director Ron Lionel Bartolome, nasayran nga naghulat na lamang sila sa advise sa Head Office en caso adunay mo-ulbong kasamok sa nahimutangan sa mga OFWs.
Sumala ni Bartolome, mokabat sa 1,000 ka mga documented OFWs atua karon sa Iraq samtang laing 1,000 usab didto sa Iran.
Gipaabot usab sa OWWA ngadto sa mga nga apektadong Pinoy workers ug sa ilang mga pamilya nga dili angay mabalaka sa nagpadayong sitwasyon sanglit preparado ang gobyerno sa contingency plan ubos sa usaka ‘worst case scenario.’
Una niini, nag-abiso na ang Philippine Embassy sa Iraq ngadto sa mga Pinoy mga mag-igmat ug magpabiling alerto sa tanang higayon.
RadyoMaN Aimee Guinita
