Davao City – Usa sa mga distressed Overseas Filipino Workers (OFWs) mao ang mga seafarers.
Sumala ni Overseas Workers Welfare Administration (OWWA-XI) Regional Director Petrona Bergado, ang pipila sa mga problema sa mga seafarers ang pagkakulang sa pagkaon tunga sa kadagatan, walay sweldo gikan sa employers ug ang pagkakulong sa laing nasud.
Gipasabot ni Bergado, aduna nay lima ka mga nakulong gumikan sa kalapasan sa Anti-Maritime Pollution Law nga nakakulong sa Carribean ug sa Latin America diin nagapadayon pa ang ilang mga kaso.
Dugang sa bagohay lang nga OWWA regional director, ang pagtambong sa committee hearing, paghatag og mga medisina ug ang pag-accommodate sa pamilya niini ang ilang ginabuhat.
Sa ilang rekord, adunay kapin 200, 000 ka mga OFWs sa tibuok Rehiyon 11 sa bulan sa Setyembre 2017.
Samtang sa 600 ka mga aplikante nga gipapauli gikan lain nasud, anaa na sa 379 ang ilahang na-akomodar ug 87 niini ang padayon pang ginaproseso.
Sa pikas bahin, gi-awhag ni Bergado ang mga OFWs sa Rehiyon 11 alang sa 23rd Migrant Workers’ Day karong adlaw’ng Sabado, June 9, sa New City Hall Atrium, Tagum City, Davao del Norte nga adunay tema nga “Kabuhayan at Teknolohiya Para sa OFWs at Pamilya”.
Gani ginalauman ang kapin 1000 ka mga active ug inactive OFWs nga miyembro sa OFW Family Circles nga mipauli na sa Davao Region.
RadyoMaN Jason Amisola
