OWWA XI: Walay 3k sa OFW dependents

46

Davao City – Giklaro sa Overseas Workers Welfare Administration OWWA XI nga wala silay ginapanghatag nga 3,000 pesos ngadto sa mga dependent sa Overseas Filipino Workers kun OFW nga anaa sa nasud Kuwait.

Kini ang gisulti ni Maricel Sarabillo, Labor Communications officer sa OWWA XI atol sa pakighinabi sa DXDC RMN Davao kaniya.

Subay kini sa pangutana sa usa ka texter dinhi sa sibyahanan sa DXDC nga nagpailang si Miguel Sotto kung tinuod ba nga adunay dawaton ang mga dependents nga 3,000 pesos.

Matud ni Sarabillo nga adunay 5,000 pesos nga madawat ang usa ka OFW nga gikan sa Kuwait nga nag-avail sa giingong amnesty program apan dili tanan makakuha niini tungod aduna kini rekisitos aron maka-avail sa maong programa.

Dugang niini, aduna usab livelihood assistance nga mukantidad og 20,000 pesos nga programa ang OWWA apan ilang giklaro nga alang kini sa mga distressed workers kun biktima sa pagpangabuso nga miuli dinhi sa nasud ug wala nakahuman sa ilang kontrata.

Apan sumala ni Sarabillo nga dili cash ang ginapanghatag kundi mga items kun merchandise aron maestablisar ug makasugod sa ilang gusto nga proyekto o negosyo alang sa ilang panginabuhian.

RadyoMaN Renz Barbarona

Facebook Comments