Mga pulis nga aktibo sa kampanya batok sa ilegal nga drugas, posibling maoy komon nga kaaway karon sa mga ilegalista .
Ang hepe sa Police Regional Office -7 nga si Chief Supt. Debold Sinas wa mosalikway sa posibilidad nga naghiusa karon ang Ozamis drug group ug ang grupo ni Franz Sabalones aron targeton ang mga polis nga aktibo sa kampanya batok sa ilegal nga drugas .
Gikompirmar sa PNP nga ang Ozamis boys gikan sa Pagadian ug Cagayan De Oro City nia na sa Sugbu , ug maoy nagpaluyo sa kinilong shabu nga nasakmit sa kapolisan sa ilang anti-drug operation .
Ang kapolisan nakasakmit kagahapon sa kadlawon, Marso 3 sa sumpay nga operasyon ug dul-an sa P200 milyon nga balor sa shabu sa Barangay Inayawan sa dakbayan sa Sugbu ug Casili sa lungsod sa Consolacion .
