Nagatanyag ang negosyante nga si Enrique Razon sang International Container Terminal Services, Inc. (ICTSI) nga maggasto sang P8.7 billion agud nga i-develop ang Port of Iloilo sa Iloilo Commercial Port Complex sa Brgy. Loboc, Lapuz, Iloilo City.
Sa briefing sang mga lider sang Iloilo kag business groups sadtong Mayo 24 ginsiling ni ICTSI Global Corporate Head Christian Gonzalez nga ang investment nagatuyo sa pag- upgrade sang loilo port complex sa ti-on nga maaktuhan sang Philippine Ports Authority (PPA) ang unsolicited proposal nga ginareview sang PPA Board.
Kalakip sa nagtambong sa briefing amo sanday Senator Franklin Drilon, Mayor-elect Jerry Trenas, Congresswoman-elect Julienne “Jam Jam” Baronda, kag Ilonggos business community nga gintiglawas ni Narzalina Lim, Jocelyn Perez, Engr. Terence Uygongco, Rex Drilon kag Francis Gentoral sang Iloilo Economic Development Foundation (ILED).
Maluwas sa Iloilo port target man nga i-develop ang Dumangas port kun malambot na ang traffic sa syudad.//via Joel Franco reports
Photo from web
