![P-DUTERTE-copy-1](https://i0.wp.com/rmn.ph/wp-content/uploads/2017/07/P-DUTERTE-copy-1.jpg?resize=696%2C365&ssl=1)
Davao City- Gikatakdang bisitahon karong adlawa ni Presidente Rodrigo Duterte ang mga personahe sa Presidential Security Group(PSG) nga nasamdan atol sa pag-ambush sa mga rebeldeng NPA sa ilang gisakyang behikulo kagahapon sa buntag sa tri-boundary sa Davao, Bukidnon, Arakan North Cotabato.
Laumang muabot ang presidente unyang alas 5:30 sa hapon sa Camp Panacan Station dinhi sa syudad sa Dabaw.
Mahinumduman, lima ka PSG personnel ang nasamdan sa pagbanhig nga sila SSg Arniel L Matunhay, Sgt Gerry N Torsar, Cpl Rodel A Ledesma, Cpl Ayam P Alia ug SSg Lisondra, samtang patay ang kaubang CAFGU member nga giilang si Ben Pabia.
Duha sa lima ka mga samaron ang naa karon giatiman sa Camp Panacan Station Hospital samtang ang tulo padayon pang nagpaalim sa German Doctors Hospital.
Kasamang Renelyn Barbarona
tags: Mindanao, Davao City, DXDC, DXDC 621, Renelyn Barbarona, Presidente Rodrigo Duterte