Roxas City, Capiz – Posible nga iga-anunsyar ni P- Rodrigo Duterte ang bag-o nga community quarantine classifications bwas nga adlaw sang Miyerkules, kadungan sang pagtapos sang subong nga guidelines. Wala naman ginbuyagyag ang specific recommendations, apang posible nga igapaidalom ang Metro Manila sa modified general community quarantine (MGCQ). Apang suno kay Presidential spokesman Harry Roque, wala nakasaad sa datos nga pwede na nga maghalog sa nasambitan nga restrictions, sa tunga sang mataas nga mga kaso sang COVID-19 sang mga nakaligad nga inadlaw. Madumdoman nga kahapon nga adlaw, Hulyo 13, 2020 nalista sang Department of Health ang 836 nga dugang nga kaso sang COVID-19, kabangdanan agud nga maghampak sa 57,006 ang kabug-osan nga kaso.
Maluwas diri, may 4,325 nga dugang nga numero naman sang recovered patients okun 20,371 sa kabug-osan.
Ini naman ang pinakamataas nga numero sang mga recoveries nga nareport sa sulod lamang sang isa ka adlaw, umpisa sang pandemic.
Samtang, may 65 nga dugang nga COVID-related deaths okun 1,599 kabug-osan nga fatalities.
