Davao City- Mokantidad sa P1,280,000 nga 80 gramos sa shabu ang nasakmit sa joint buybust operation sa Maa Police Station, Philippine Air Force, Philippine Drug Enforcement Agency 11 ug National Bureau of Investigation 11 pasado alas 2:00 sa hapon adlawng Biyernes, Agosto 18,2023.
Sa report sa Davao City Police Office giidentipika ang target sa operasyon nga si Rowie Comendador Gonzales, 39 anyos ug residente sa Purok 2 Barangay Subasta,Calinan Davao City.
Sa buybust operation nga gilusad sa lugar sa suspek, napalitan kini’g nagkantidad sa P100,000 nga illegal drugs sa asset sa mga awtoridad.
Wala na makapalag pa ang suspek ug giaresto kini sa mga operatiba.
Sumala sa DCPO nga gikonsidera kining City Level Top 1 drug personality.
Narekober sa posisyon sa dinakpan ang milyones nga kantidad sa shabu ug mga drug paraphernalias.
Kasong paglapas sa Sec 5, 11 ug 12 ilawom sa RA 9165 ang atubangon sa naarestong drug personality.
RadyoMaN Aimee Guinita
Facebook Comments
