Davao City – Kasong paglapas sa Republic Act 9165 (Comprehensive Dangerous Drugs Act of 2002) ang atubangon sa usa duha ka indibidwal human sila nadakpan atol sa buy-operation sa kapulisan uban ang Philippine Drug Enforcement Agency (PDEA) sa Magugpo Poblacion, Tagum City, Davao del Norte.
Sa interbyu sa DXDC RMN Davao kang Senior Master Sergeant (PSMS) Francisco Dela Cruz, personahe sa Tagum City Police Station, iyang giila ang mga dinakpan nga sila Maria Cheng, 45 anyos, Top 1 Regional Level sa PDEA, ug Jonnic Punay, 34 anyos, pulos mga residente sa syudad sa Tagum.
Nakuha gikan sa mga suspek ang kapin kun kulang 200 gramos sa gituohang shabu nga mukantidad og P1,360,000.
Padayon nga nagpahimangno ang awtoridad nga likayan ang iligal nga aktibidad ilabi na ang iligal nga droga, diin sila mag-atubang gayud og silot subay sa balaod.
RadyoMaN Kirby Manzon
Facebook Comments
