Davao City – Mokabat sa P1.4M ang kantidad sa 120 grams sa liquefied shabu ang nasakmit sa Sta. Ana PNP atol sa ilang gilusad nga buy-bust operation.
Naaresto ang nagpailang miyembro sa Moro National Liberation Front (MNLF) nga si Cader Macud, 26 anyos, ulitawo’ng negosyante ug residente sa Bermudes Compound Apokon, Tagum City, kauban ang usa ka estudyante nga nailang usa ka Arsalic Gamba, 23 anyos, sulod sa usa ka lodging house nahimutang Cabaguio Ave. Agdao ning syudad.
Sa pakighinabi sa DXDC News Team kang Sta. Ana PNP chief Police Chief Inspector Noland Raquid, gibutyag niini nga i-beripika usa nila kung miyembro ba gayud sa nasampit nga grupo si Cader.
Ang duha ka mga dinakpan mag-atubang og kasong kalapasan sa R.A. 9165 kun comprehensive dangerous drugs act of 2002.
RadyoMaN Don Pulayao
