Davao City – Sikop atol sa buybust operation si Jovelyn Urot Saballa, 22 anyos, residente sa San Antonio, Barpa, Agdao.
Gikasa sa pagpanguna sa Davao City Police Office (DCPO) Intelligence Branch uban ang Philippine Drug Enforcement Agency XI ang drug operation sa may Purok 28, Ma-a City Jail, Ma-a, alas 2:40 sa hapon adlaw’ng Martes.
Matud ni DCPO head P/Sr. Supt. Alexander Tagum nga napalitan sa poseur buyer sa mga awtoridad ang suspek og usa ka dakong pakete sa gituohang shabu nga adunay nga estimated market value nga P1.5M.
“That indicates nga padayon ang gihimong operations nga gina-conduct nga operation ng Davao City Police Office para ma-lessen ang illegal drug trade dinhi sa syudad,” matud niini.
Narekober usab sa posisyon niini ang usa ka cellphone ug mga piraso sa kwarta.
Kasong may kalapasan sa RA 9165 ang atubangon sa suspek.
RadyoMaN Aimee Guinita
