Otro ya tamen grande shipment de shabu ya puede man intercept el maga pulis pormedio del un buy-bust operation ya conduci na Talon-Talon ayer.
El buy-bust operation ya conduci el maga pulis del Central Police Station banda alas 10 del aga serca na barrio hall del Talon-Talon.
Con el suspechao ya conose como si Jumdama Didang y Abdukarim, 48, anios de edad, casao y de Tinah Old, Panamao, Sulu.
Asegun con el portavoz del pulis si Captain Edwin Duco maga pulis ya confisca desde con el suspechao el dos grande paquete, dos regular el grandor y dos diutay donbde todo este ta contene shabu ya alcansa valor de P1.5 milliones de peso.
Maga pulis ya recobri tambien el P6,000 boodle money que ya usa como marked desde na possession del suspechao.
Si Didang ya habla que el until Bas de Sulu amo el quien tan supply conele shabu y ya manda conele man deliver aqui na ciudad.
Con Didang ya detene mientras con el maga shabu ya entrega na PNP Crime Laboratory.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
