Sa interview sa DXDC RMN Davao kang Senior Fire Officer 1 Earl Angelo Namuag, Chief of Investigation and Intelligence Section sa Maco Fire Station (FS), iyang gibutyag nga nagsugod ang sunog sa usa ka boarding house nga iya ni Merlita Serra ug didto na mikatag ang kalayo nga miugdaw usab sa tulo ka mga tapad nga balay nga iya ni Jojo Ting, Roger Corales ug Raul Latag.
Mitabang usab ang Mawab FS ug ang Municipal Disaster Risk Reduction and Managament Office (MDRRMO) sa pagpakgang sa kalayo diin gideklarang fire out alas 7:00 sa gabii. Gipasalamat usab sa otoridad nga walay natala nga injured o casualty tungod sa insidente.
“Initial finding was electrical ignition caused by overloading kay isa lang ka kwentador pero gi-series niya ang walo ka kwarto (sa boarding house),” sulti ni Namuag.
Pahimangno sa kabomberohan sa publiko nga siguradohong dili risgo ang mga gamit ilabi na ang mga electrical wiring sa balay, opisina o gambalay aron malikayan ang peligro sa sunog.
RadyoMaN Kirby Manzon
