P1.75 billion na ayuda, naipamahagi na sa 1.7 million beneficiaries sa NCR+ – DSWD

38

Umabot na sa higit 1.7 million low income individuals na apektado ng pagpapatupad ng Enhanced Community Quarantine (ECQ) sa National Capital Region (NCR) Plus bubble ang nakatanggap ng one-time financial assistance.

Ayon kay Department of Social Welfare and Development (DSWD) Secretary Rolando Bautista, aabot na sa 1,757,281 ang nakatanggap ng kanilang ayuda.


Walong porsyento ito ng ₱22.9 billion na target na maipamahagi sa 22.9 million low-income individuals.

Ang supplemental aid ay nai-disburse sa Metro Manila, Bulacan, Cavite, Laguna, at Rizal.

Batay sa mga dokumentong iprinisenta ni Bautista, ang bulto ng ayuda ay ipinaabot sa 1,574,940 NCR beneficiaries na nagkakahalaga ng ₱1.57 billion.

Kasunod ang Rizal (₱95.1 million) para sa 95,197 beneficiaries, Cavite (₱34.5 million) para sa 34,565 beneficiaries, Laguna (₱28.56 million) para sa 28,564 beneficiaries, at Bulacan (₱24 million) para sa 24,015 beneficiaries.



Facebook Comments