Davao City – Aprubado na sa 19th Davao City Council ang pagtunol og financial assistance sa mga Local Government Unit (LGUs) sa Surigao del Sur nga naapektuhan sa Bagyong Auring niadtong Pebrero karong tuiga.
Gibutyag ni Davao City Councilor Danilo Dayanghirang, chairperson sa Committee on Finance, ang maong pundo igahin sa mga lugar sa Surigao del Sur nga gipailawom sa State of Calamity.
Sa proposed resolution series of 2021, bahin-bahinon ang maong pondo sa mga lugar sa Surigao diin anaa sa P500K alang sa Tandag City, Surigao del Sur. Samtang, tag P300K ang alang sa Municipality of Marihatag, Cagwait, San Agustin, ug Carmen sa maong probinsya.
Ang among pundo kuhaon sa Quick Response Fund (QRF) gikan sa City Disaster Risk Reduction and Management Council (DRRMC) Fund (Calamity Fund).
Nasayrang nabatasan na sa City Government of Davao nga mutunol og tabang sa mga apektadong lugar sa unsa mang kalamidad bisan niadtong Mayor pa si Presidente Rodrigo Duterte sa syudad sa Davao.
RadyoMaN Kirby Manzon
