TACLOBAN CITY – Matapos nga magpahuway anay hin duha ka tuig ha Sinulog Festival ha Cebu City in utro na liwat nga ginpakita han Tribu Buyogan han Abuyog Leyte an ira grand comeback ha mao nga festival kakulop.
Ha katatapos pala nga Sinulog 2018 grand parade, nakuha han Tribu Buyogan an first price ha Best in Street Dancing nga may premyo nga P1,000,000.00 Nakuha gihapon han mao nga tribu an Best in Musicality nga may premyo nga P100,000.00
Ha free interpretation naman nga kategorya, nag ika-duha an Tribu Buyogan nga may premyo nga P700,000.00
Samtang, waray naman nagpa-urhi an Tribo Katbalaugan han Catbalogan City, Samar nga nakuha an second prize ha Best in Street Dancing category nga may premyo nga P700,000.00., third prize naman hira ha free interpretation category ngan gin-take home an P500,000.00 nga premyo ngan 4th prize ha Best in Musicality nga may P20,000 nga premyo.
